RDShayri

Akbar Birbal Stories



Ek din badshah akbar ke darbar mein ek aadmi naukri mangne ke liye sifarish lekar aaya. Use kaafi dair baat karne ke baad badshah ne use unke bagh ke pass wali chungi ka mukhe adhikari niyukat kar diya.

Birbal unke paas baitha iss saare mamle ko samjh parakh raha tha. Chungi ke naye adhikari ke Kuch door jate hi birbal ne kaha inke baat karne ke tarike se ye bahut badhe chalak kisam ke lagte hai. Ye beimani kiye bina nahi rahenge.

Kuch hi din baad senapati naye chungi adhikari ki shikayat lekar aane lage ki weh sabko bahut pareshan karta hai aur rishwat ke taur par paisa ya khane – peene ka samman bhi leta hai. Ye sab jaankar badshah akbar ne uska tabadala aisi jagah karne ki taani jaha use beimani karne ka mauka hi na mile or kaafi soch-vichar karke use ghode ke tabele ka munshi niyukt kar diya.



Akbar birbal kahani



Uska mukh kaam ghodo ki leed uthwana tha lekin weh waha jakar bhi nahi sudhre unhone waha bhi riswat lene ka bahana dhund hi nikala. Unhone waha kaam karne wale sabhi ko bulaya or kaha. Tum ghodo ko dana kam dalte ho. Inki leed bahut kam hoti hai. Agar aage se aisa hua to mujhe badshah se tumhari shikayat karni padeghi. Aur sabhi unhe 2-2 ruppe ghode ke hisab se riswat dene lage. Jab ye khabar bhi jab ek senapati dwara badshah akbar tak pahuchi to unhone uss nadi ki lehar ginne ka kaam de diya. Jaha beimani hone ka or riswat lene ka sawal hi paida hota.

Munshi ji itne beimaan the ki unhone apni akal ke ghode waha bhi doda diye. Unhone har naavik se kaha naav rook hum lehar gin rahe hai. Naav chalne ki wajah se ginti mein farak aata hai. Ek-ek naav ko waha 4 se 5 din rukna padta tha. Jis karan naviko ne munshi ji ko eek naav ke 5 rupe dena aaramb kar diya.

Jab akbar badshah ko iss baat ki bhanak lagi ki munshi ji waha bhi beimani kar rahe hai to unhone waha ek taqti (board) par likh bhijwa diya "naav ko roko mat, jaane do". Yaha munshi ji ne apni budhi ka istemal karke uss board pe kuch iss tarah likhwa diya "naav ko roko, mat jane do". Or usse nadi kinare taang kar. lagatar wasuli karne lage. Jab badshah se yeh mamla n suljha to unhone birbal se salah maswara kiya to birbal ne kaha chor chori karna chod sakta h beimani nahi. hume use naukri se nikal dena chaiye. Or agle hi shan badshah ne use kaam se bulakar naukri se nikal diya.




funny

Top