RDShayri

Sachi Parathna Ki Shakti



ek gaaw ke kinare ek talaab tha jo ki bahut gehra tha. Jeth ke tapti garmi ke mausam me bhi uska pani nahi sukhta tha, talaab me anek parkar ki rang birangi machliya thi. waha ke log talaab ki machlio ko kabhi nahi marte the, machlio ko khana khilane ke liye wahan ke log aaate ki goliyaan banakar talaab me daala karte the. talab ke kinaare machliyaan badi shanti se rehte thi.

ek baar barsaat ke mausam thoda sa bhi me pani nahi barasa. talaab ka paani sukhne laga, machliyaan vyaakul rehne lagi, talab me itna kam paani reh gaya ki tej garami se neeche tak ka paani garam ho jaata garm paani se machlio ko bada kasht hone laga.

ek din talaab ke kinaare bargad ke ped par baithe kabutar aur chidiya bhi thande jagah ki aur bhaagne lage, machliyaan kahan jaati? or bhala kaise jaati? do dino me sara talaab soona ho gaya.

talaab me ek machli thi jo udh sakti thi, wo kahin nahi gayi, uske sathio ne kaha bhi par usne apni janam bhoomi ko chodkar jana pasand nahi kiya, ek machli ne us se kaha – "badhi behan tum kyu nahi gayi?"

badhi machli ne kaha :- mujhe apni janam bhoomi bahut pyaari hai, maine isi talab me janam liya hai, isi me pal kar badi hui hu, dukh me sukh me tum logo ne mera sath diya hai. bhala tum logo'n ko kaise chod sakti hu, ye mujhe accha nahi lagta!"

badhi behan hum choti or na udhne wali machliyaan to majboor hai, hum to aapki tarah aur kabutar or chidiya ki tarah udh kar bhi nahi jaa skte. par tum to kahin jaakar apne praan bachakar jeewan paa sakti ho.

badhi machli ne kaha me tum logon ka sath chod kar kahi nahi jaaungi. sab din barabar nahi rehte, dukh ke din aate hain lekin kuch din baad sukh ka naya sawera bhi hota hai. hume bhagwan par vishwas karna chahiye, wo bada dayalu hai sab par kripa karta hai dukhi ki prathna me hamesha bal hota hai.

shaam ko sabhi machliyaan ek jagah badhi machli ke sath jama hui. sabne milkar bahut der tak ishwar se prathna ki, sabke mann me ye asha thi ki ishwar unki sacchi prathna awashya sunega.

jis samay badhi machli aur choti machlio me baatein ho rahi thi gaaw ka ek ladka raamu ye sab sun raha tha. raamu ne gaaw me jakar, gaaw walo ko ye sari baatein bataayi – ki chote chote jeew–jantuo ko bhi apni maati se kitna pyar hota hai. aaj hum apne swarth ke liye unki parwaah nahi karte.

aao aaj warsha ke liye hum bhi ishwar se prathna karein. gaaw walo ne sacche mann se prathna ki aur usi din aakash me kaale badal gir aaye. joro ki warsha hui aur talaab fir se paani se bhar gaya.





funny

         Top