RDShayri

Pandit Kehlane Ki Chah



Ek barhaman ek din akbar badshah ke darbar mein upastit hua aur usne vinit sawar mein kaha– Parthvinath– aapka yash charo dishao mein phaila hua h– garib brahman badhi asha ke sath darbar mein upastit hua. Mein chahta hu ki mujhe aapki aur se koi aisa samman mil jaye, jisse log mujhe gangaram n kehkar pandit ji, pandit ji kehkar sambohdit kare
Badshah ne uski yogayta aur gyan ki baat puchi. Gangaram ne baigar kisi lag–lapet ke kaha–mein n padha hu n likha hu. Purwajo se chali aa rahi purohiti bhi maine nahi sikhi. Mehnat–majduri karke gujara karta hu

aisi dasha mein tumhe pandit ki padwi kaise di ja sakti h gangaran badshah ne kaha.
jaisi iccha karunanidhan , mein to badhi asha lekar aaya hu thik h mein chalta hu
Badshah asamanjas mein padh gaye, sochne lage ki baigar kisi gyan–gun ke kisi ko padwi de dena, guni–ganiyo ka apman h. badshah ko senseh mein dekh birbal ne khade hote hue kaha–agar aapki aagya ho to mein gangaram ko bazar mein le jakar pandit ki upadi dilwa dunga
Badshah utsuk hokar bole–bazar mein jakar, pandit ki upadhi yeh kaise birbal
Ab sab darbari bhi aankh phad ke birbal ki aur dekhne lage.
iske liye aapko kuch ghante intjaar karna hoga sham tak yeh upadhi prapt pandit ban jayega. Aap khud dekh lijiyega aalampanah.
hume bhi dekhna h yeh kaam tum kar gujre to wakai inaam ke haqdar honge.... badshah bole.
to sham tak ki mohlat do aalmapanah.... kehkar birbal gangaram ko sath lekar chal diye
Use raste mein samjhaya–chntit hone ki jarurat nahi, upaye bahut saral h gangaram. Tum kis chorahe par jakar khade ho jaoge. Jab tumhe koi pandit kehkar pukare to use marne dodna. Bas dobara tum jidhar bhi jaoge log tumhe pandit kehkar hi pukarenge. Tumhara naam log bhul jayenge.
Birbal ki iss yukti se weh murkh brahman bahut santhust hua. Weh ek chorahe par jaa khada hua. Piche se birbal ne kuch khelte hue chote–chote bacho ko ekatha karke unhe khane ki mithayi di aur kaan mein fusfusa ka kaha–weh jo lamba-sa dhikne wala, sar par pagdi bande aur hath mein chadi liye aadmi chorahe par khada h, use jakar pandit kehkar chidakar bhag jaoge to aur mithayi dunga



Pandit Kehlane Ki Chaha



Bache bhage–bhage gaye gangaram ko pandit–pandit kehkar pukarne lage. Gangaram apni chadi ko uthakar unke piche marne ko dodte. Weh bakne bhi laga. Weh saabit yeh kar raha tha pandit sambodan se weh chid raha h.
bacho ko chidane aur uski bhag–daud mein badhe log bhi ruche lene lage.
Alag–alag kahi choraho par waisa hi kiya.
Sham tak natija iss roop mein samne aaya ki gangaram ko khase log pehchan gaye the. Tatha usko gujarta dekhkar pandit-pandit kehkar awwaje dene lage the. Sham ko badshah ki sawari bajar se gujri to ek aur se pandit–pandit ka shor utha.
Badshah ne chokkar dekha to gangaram ko jata hua paya. Badshah ke sath ghode par sawar birbal ne kaha–dekha aalampanah– pure nagar mein gangaram ko pandit ke naam se pukara jane laga
wakai– badshah ne swikar karte hue kaha.
par yeh chamatkar tumne kaise kar dhikaya
birbal ne jab yukti btayi to badshah hanse baigar n rahe. Inaam to birbal ne pehle hi le liya tha





funny

Top