RDShayri

Aladin Ka Chirag



Baat kaafi purani hai. afganisthan ke ek chote se prant mein ek aadmi rehta tha. Mustfa kaafi garib aadmi tha aur weh humesha garibi mein jiya karta tha. Usne garibi halat ke prti log uske upar daya bhi karte the,

tatha uski halat ko dekh ke taras bhi khate the. Mustafa logo ke kapde sina, yahi uska rojgaar bhi tha. Mustafa ka ek hi beta tha, uska naam tha aaladin. Eklauta ladka hone ke karan, Mustafa apne bete ko kaafi padhana-likhana aur badha aadmi bnana chahta tha. Par aladin to apni dhoon ka pakka tha. Na use kaam dham ki fikar thi aur na hi padhne ki. Weh humesha khelta kudta hi rehta tha.

Mustafa apne sahabjade ko humesa samjhata, par aladin ke kano par juu tak nahi rainga karti thi aur weh kabhi bhi kitab tak nahi chuta tha. Kitabo se aladin ki iss nafrat ko dekh, Mustafa humesha apna shir pakad ke roya karta aur chinta mein nimagn raha karta tha. Mustafa ne apne bete ko darji ka kaam shiklana chaha. Par aladin ne ye kaam shikne se bhi mana kar diya. Or humesha khelne mein magan rehta. Mustafa ko humesha chinta rehti thi ki uska beta bigad raha h . weh soctha tha ki uske marne ke baad uska beta na jane kya karega? Use humesha darr rehta tha ki kahi uska beta chor ya daku na ban jaye. Ye soch kar uski sehat khrab rehne lagi.Weh itna jyada bimar ho gaya ki. Bimari mein hi duniya se kuch kar gaya. Iske baad aladin apni maa ke sath akela hi reh gaya.

Mustafa ki maut ke baad apni maa ka sara bhoj aladin ke kandho par aa gaya. Lekin use khelne se fursat hi nahi milti thi. Aladin ki umar badti chali gayi aur kuch dino mein weh jawan ho gaya. Aladin ke swabhaw mein ab bhi kuch jyada farak na tha. Weh apni jimmedari samjhe bina sara dhyan khelne mein hi lgaya karta tha. Ab uski maa ko bhi uski chinta hua karti thi. Weh apni mamta ke karan aladin ko kabhi jyada daant yaa maar bi nahi pati thi.

Aladin ek din basti se bahar khel raha tha or weh lagatar haar raha tha. Apne dosto se harne ke karan weh kaafi naraj tha aur unhe keh raha tha bhai humare harne par mat haso. Mein ek din aweshe hi jitunga
Achanak hi waha ek aadmi aa gaya. Weh aadmi dekhne mein saudagar jaisa lag raha tha. Uske sir par lal padgi bandhi hui thi aur hath mein ek jhola latka hua tha. Weh aladin ke pass aaya aur bola: tumhara hi naam aladin h na.
Aladin pehle to chauka ki ye saudagar uska naam kaise janta h. or usne kaha aladin to mein hi hu. Lekin aap mera naam kaise jante h. maine to aapko pehle aaj tak nahi dekha.
tum mujhe kaise jaan sakte ho mein to uss samay se tumse door hu jab tum bahut chote the. Aur uss samay tera baap bhi jinda tha
Weh bola-par kaise ? aladin ne aaschreh se kaha.

mein tumhara chacha hu tumhare baap ke marne ki kabhar sunkar yaha aaya hu. Jab hume maut ki kahbar mili to hum yaha bhage chale ayae yeh kehkar usne aladin ko gale laga liya aur rone laga or kehne laga. mere bhai tum kitne acche the antim waqt par mein tumhe dekh bhi nahi paya.
Usne aladin ka matha chumkar rote hue kaha tum mere bhai ki jiti jagti tasweer ho. Ab mein tumhe apne sath le jaunga. Weh aadmi apni bhabhi aur aladin ko apne sath sehar le gaya. Aur ab weh kushi kushi rehne lage.





funny

Top