RDShayri

Lalch le Duba



Ek samay ki baat h jab jungal mein ek budha aur ek budiya rehte the, dono behad garib the. Kisi tarah unka gujara ho jata tha. Ek din budiya ne budhe ko jungal mein ladki katne ke liye bheja, budhe ne apni khuladi uthayi aur lakdi katne chal padha. Jungal mein usne jaise hi ek pedh ko katna shuru kiya, usme se ek sundar se pari parkat hui. pari boli- iss pedh ko mat kato. Chaho to iss pedh ke badle mein tumhe teen wardan de sakti hu

Budhe ne kaha- mujhe apni patni se puchna padega. Mein ghar se puchkar aata hu.

Budha ghar gaya aur apni patni ko sari baat btayi. Budhiya chalak thi. Usne socha ki aise mauke baar-baar nahi aate the. Usne budhe se kaha- jao jakar pari se alishan mehal mango. Agar weh naraj ho jaye to? Budhe ne jigasawash puch liya.

Are murkh weh bhala kyu naraj hogi. Budhe ko dathte hue budiya ne kaha.

Budha jungal gaya. Usne pari se alishan mehal manga. Turant alishan mehal parkat ho gaya. Pari ne kaha- dusra wardan mango. Budhe ko kuch nahi sujha. Bahut soch vichar karne ke baad weh bola- mujhe dhar wali kulhadi do, jisse lakdiya jaldi kat sake. Turant budhe ke hath mein chamchamati kulhadi parkat ho gayi.

Pari ne kaha-teesra wardan mango. Budha kuch mangne hi ja raha tha ki use uski patni ki awwaj sunai padhi. Patni chilla rahi thi- rukja murkh , tu kuch bhi mat maang. Mein tere badle maang lungi.

Pass aakar budiya hafte hue pari se bole- hume aisa wardan do ki jisse parthavi ka sara dhan humara ho jaye.

Budhiya ke mukh se aisi baate sunkar pari krodhit ho gayi. Pari ne kaha- lalchi budiya, tum apne lalch ke karan hi garib ho thata isi karan tum jeevan bhar garib rahogi. Budiya ne dekha, weh alishan mehal phir se jhopadi mein badal gaya. Budiya ko jeevan garibo mein katna padha.

Ath: hume lalch nahi karna chaiye. Jo h usi mein santusht rehna chaiye.





funny

Top