RDShayri

Wafadar Tota



Ek lakadhara tha bilkul akela. Weh roj jata.lakdi katkar lata aur use bechkar apna pet bharta tha. Ek din ki baat h jungal mein use ek ghayal tote ki awaaj sunai padhi. Darasal tota kantili jhadi mein fasa hua tha. Tote ko iss haal mein dekhkar use daya aa gayi. Usne badhe pyar se tote ko jhadiyo se nikala. Tota dard se baichiain hua ja raha tha.

Lakadhare ne pehle to unke sharir se chube hue kaante nikale aur phir apne khane mein se roti ka tukda use khane ko diya. Tote ne thoda sa hi khaya or kuch yu hi rehne diya.
Lakadhare ne tote ke dard ko dekhkar lakdi katne ka apna mann tyag diya. Aur tote ko lekar ghar aa gaya. Waha usne tote ke jhkmo par jhadi buti se bani dawaiya rakhkar upchar kiya aur lakdi se bane pinjre mein band kar diya. Tota dhire-dhire thik hone laga. Ab lakadhara aur tota ek dusre ko behad pyar karne lage. Lakadhara prtek din tote ko khana dekar hi lakdi ke liye jungal jata.

Lakadhare ke pyar aur sneh se tota bahut khus tha. Phir bhi uske mann mein ek tarah ki vyakulta ki stithi bani rehti thi. Subh sham jab pakshi aakash mein che-chahate udhar se gujarte to tota bhi udhan bharne ke liye apne pankho ko pinjre ke bhitar phadphadne lagta tha.
Ek din lakadhara tote ko khana dekar pinjre ka darwaja khula chodkar jungal chala gaya. Udhar tote ne socha aaj mauka h. udd bhagne ka. Weh sakuchate hue pinjre se nikla phir chat par ja baitha. Weh sochne laga ki lakadhare ne mujhe phir se naya jeevan diya ho. Aise bhagna thik nahi. Iss udehbun ke baad wo iss nishkarsh par pahucha ki aajadi humara janamsidh adhikar h to phir pinjre mein band kyu rahu. Bas tota furr se aakash mein udd gaya.
Udhar lakadhara jab ghar aaya to dekha ki pinjre ka darwaja khula h aur tota gayab. Uske hosh udd gaye or wo kuch der tak khali pinjre ko dekhta raha, mano kato to khoon nahi use aisa lag raha tha. Mano uska beta use dhoka dekar bhag gaya ho. Weh bhaichan rehne laga aur do din tak khana nahi khaya.
Dukh mein dube lakadhare ko apne jeevan ke liye lakdi to katna hi tha. So weh pun: dusre din jungal ki aur chal diya. Chalte-chalte weh uss sthan par pahucha jaha se weh ghayal tote ko uthakar ghar laya tha. Yaad taaza ho gayi aur weh wahi bilakh bilakhkar rone laga. Sanyog tha ki weh tota usi waqt upar se gujar raha tha. Niche dekha to weh kantili jhadiya dhikayi di thi. Jisme weh fasa tha. Aur lakadhara bhi dhiklayi diya uski jaan bachayi thi. Usne socha ek din mein yah dard se baichian karah raha tha, aur aaj mera jeevan data lakadhara karah raha h. aaj mein lakadhare se jarur milunga. Itna sochkar weh niche utra aur lakadhar ke kandhe par ja baitha. Lakadhara usi tote ko apni peeth par baitha pakar khusi se uchal pada. Aur use bar bar chumne aur sehlane laga. Viyog ab milne ki mithas mein badal gaya.
Lakadhare tote ko lekar ghar pahucha. Ab weh lakadhara tote ko pinjre mein band karna pasand nahi karta balki yu hi chod deta tha. Dono sath sath rehte, jaha jate sath, jate, jo khate sath khate. Dono ki jindagi mauj masti mein katne lagi.





funny

Top