RDShayri

Wehem Ya Bhoot (Horror Stories)



Ham naye naye ghar me shift hue the. Pehle hi raat se mujhe uss ghar mein kuch alag se anubhaw hone shuru hue. Pehli raat to mujhe laga jaise ghar ke aangan mein koi aurat pehne ghum rahi hai. Maine kamre me soo raha tha himmat hi nahi hui ki uthkar bahar jhanku ya awaaj lagakar puchu "kon hai".

Maine ye baat kisi ko nahi batayi. Mujhe laga sab khamkha pareshan honge. lekin ye samsyah badhti chali gayi. Thode dino baad mujhe iss tarah ke anubhaw din mein bhi hone lage. Ek raat mujhe laga jaise mujhe koi mera naam lekar bula rahi ho. Aur wahi payal ki awaaj bhi aa rahi thi. Kabhi-kabhi mujhe sham ke waqt andhera hote hi gate k bahar ek insaani aakarti dikhayi deti aur wo jab bhi dikhthi mujhe ishare se apne pass bulane lagti. Ek raat no bje ham sab baramade me baithe the. Waha se gate saaf saaf dikhayi deta tha. Wahi aakrti aayi aur mujhe ishare se bulane lagi. Uss din jaane mujhe kya hua maine khada hua aur gate ki taraf chal pada. Papa ne jab mujhe tisri baar jor se awaaj di o mera sammohan tuta aur maine saari kahani papa ko batayi.

Agle din papa mujhe ek pandit ke pass le gaye. pandti ne meri kundli dekhkar mere math par anghuta rakhkar uch mantar padhe aur meri pith par ek mukka mara. Uske baad se mujhe koi anubhaw nahi hua aur koi aakrti nahi dikhayi di.





funny

Top