RDShayri

Do Paise Ka Tajmehal



Ek the miya shekchilli.

Unka pura naam to malum nahi kya tha lekin log unhe shekchili ke naam se pukarte the. Isi naam se unhone sare sansar mein khyati prapt ki. Aur ek yug beet jane ke baad bhi log unko bhul nahi sake, shekchili amar rahenge, unke karname hi aise the.

Yeh unn dino ki kahani h jab shekchili sahib jawan the. Nayi-2 umar thi, jwani ki umang mein the. Mast hathi ki tarah sari basti mein ghumna hi unka uddesh tha kaamkaj se to unki jaan nikalti thi. Ek din unki maa ne kaha bete tumhe apne pairo par khada hona chaiye.
Shekchili ne yeh sunkar utar diya tumne bhi thik kahi h apne pairo par nahi to kya maa ke pairo par khada hu. Par mujhe naukri to karni hi chayie. Kal se kaam par jaunga nischint rahiye.
Itna sunkar maa khush ho gayi aur boli khuda tumhe safal kare. Dusre din shekchili bazar ki taraf chala ki mehnat majduri karenge, jab we bazar mein pahuhce to unh eek seth mila, kaha kyu sahabzade! Yaha koi majdoor milegha? Shekchili ne thode thapak se utar diya- 'kyu nahi'das haazir h boliye kya hokum h? Seth ne kaha mera ghee ka matka ghar pahuchana h chaloge?

Do paise milenge.

Shekchili ne yeh sunkar kaha- do paise to bahut kama h oar bohani ka waqt h esliye tayar hu. Yeh kehkar unhone matka sir par utha liya aur seth ke sath sath chalne lage. Ab we marg par chale jaa rahe the aur unka dimmag kuch aur hi soch raha tha. Aaj unhe do paise milne wale the, aaj unhone socha jab unhe do paise milenge to we usko kharch nahi karenge balki unn do paiso ka anda kharidkar ghar le jayenge, aur unko ghar ke aangan ke bich wale neem ke pedh par bane hue chil ke ghosle mein rakh denge, kuch din baad usme se ek baccha niklega uss bache ko paalposh kar badha karenge jab weh murgi badhi-badhi hogi to ande degi aur phir ande jama karke sab bache niklenge. Jab we nikle hue bache bhi jawan ho jayenge, tab unn sab bacho ke ande jama karke unme se baccha niklenge aur iss parkar uske panch hazar murgiya ho jayengi, unse ek badha farm khulega aur ande door desho me supply hone lagega, phir unhone socha. Iss farm se jo rakam aayeghi usse kuch gaye(cow) bhais(buffalo) kharid lunga aur iss parkar ek dairy farm khul jayega.

Ab unke pass itna dhan ho jayega ki badhe setho mein unki ginti hone lagegi. Sab log unko apna damad bnana chayenge phir kisi badhe raja ya nawab ki ladki se shadi karunga. Unhone socha shadi se pehle shandar makan bhi banwana h. makan se kya hoga ? mehal banwana padega. Aakhir badhe bahde raja maharaja ghar mein aaya-jaya karenge. Risthedari ka mamla tehra phir unhone sochna aaramb kar diya ki mehal kaisa hona chaiye. Unke dimmag mein aaya ki bilkul aagre ke mehal ki tarah hona chaiye. Ye pure ka pura sangmarmar se banega. Sara pathar videsh se mangwaya jayega. Karigar bhi videshi honge, mehal banwane ke baad kisi ke hath nahi katwaunga kya faida kisi ka hath lekar. Mehal ban jayega tab door se log kewal unka mehal dekhne aaya karenge.

Achanak shekchili ka pair fisal gaya aur we dhadak se jamin par gir pade. Aur wo ghee ka matka fut jane ke karan sara ghee beh gaya. Seth ne jyun hi mudkar dekha matha pith liya aur bole bewkuf dekhkar nahi chal sakta, mera itna nuksan kar diya. Shekchili ne jalkar utar diya-jara si ghee par aankh laal-pili kar rahe ho. Mujhe dekho sari daulat-naukar-chakar biwi-bache, mehal sab tabah ho gaya haye mein kya karunga. Yeh kehkar shekchili bhilak bhilak kar rone lage aur seth unhe pagal ki upadhi dekhar chale gaye. Pata nahi shekchili ji kitne dino tak apni iss hani par aansu bahate rahe.





funny

Top