RDShayri

Bandar Ki Murkhta



Ek din ek kachua samundar ke kinare dhoop shek raha tha. Use samundar mein ek kele ka pedh behta hua mila. Weh use kinare tak kitch laya. Lekin jamin par use khitchne ki taqat kachue mein n thi. Esliye weh Bandar ke pass gaya or bola-dekho mein ye kele ka pedh laya hu ise mere bagiche tak pahuchane mein meri madad karo.

Bandar bola– mein tabhi madad karunga jab mujhe mera hissa doge kachua tayar ho gaya. Dono milkar use bagiche tak le aaye. Bandar bola-ab mera hissa mujhe de do.

Kachua ne kaha-pedh ko jamin par laga dete h jab falega to hissa le lena lekin Bandar nahi mana. Tab unhone pedh ko kaat dala. Upar ka hissa hara bhara raha. Usme patiya bhi, niche jadh thi. Weh hissa gandha tha. Bandar bola-mein upar wala hissa lunga ab dono ne apna-apna hissa bagiche mein laga liya. Kuch dino baad kachue fal nahi tod sakta tha. Esliye weh phir Bandar ke pass gaya aur bola ki -fal todne mein meri madad kar do. Mein tumhe kuch fal dunga.

Bandar maan gaya aur pedh par chad gaya. Waha baithkar pal chkane laga. Kachua niche se dekhta raha, phir kachua bola- Bandar bhai! Mujhe bhi fal do Bandar chupchap fal khata raha. Kachue ne gidgidate hue kaha-Bandar bhai! Mujhe bhi fal do
Bandar bola-tumne pehle bhi mujhe dhoka diya h accha hissa khud le liya tha aur mujhe kharab wala hissa diya tha. Ab mein fal khaunga
Kachua gidgidata raha aur Bandar ne chilke phenk diye. Ab kachue ko gussa aa gaya. Usne aas-pass se kaante wali jhadiya ikaati ki aur kele ka ke pedh ke niche jama kar di. Bandar kele khakar niche utara to use kante chub gaye. dard se weh chilane laga. Iss par door chipe kachue ko hasi aa gayi. Iss par kisiyakar Bandar ne use patak diya aur bola-ab mein tujhe pitunga ya tujhe pahad se dhakel dunga.
Kachua bola-thik h, mere sath aisa hi kuch karo. Chahe mujhe pitho, chahe ookhali mein daalkar kachumar nikalo. Mera kuch bhi nahi bigadega. Bas mujhe pani mein mat dubona nahi to meri jaan nikal jayeghi. Yeh sunkar Bandar ko maja aa gaya. Weh bola mujhe ye sab pehle kyu nahi suja. Tujhe mein pani mein dubokar hi marunga.
Yeh kehkar weh Bandar kachue ko pani mein le gaya aur khoob gehre pani mein use dobo diya. Kachua tairkar kaafi aage jakar weh satah par utar aaya aur sar nikalkar Bandar ko chidata hua bola -dhanyawad Bandar bhai! Tumhe malum nahi pani mera ghar h.





funny

Top