Moral Stories for Children
Mehnat ka Fhal Meetha
Ek gaon mein dindayal naam ka ek kisan rehta tha, gujar-basar ke liye uske pass kuch jameen thi. Jisse weh mehnat karke apna jeevan chala leta tha. Uska ek ladka tha, naam tha lakhan. Weh badha aalsi parwarti ka tha, kaam karna use jara bhi accha na lagta tha. Dindayal use khoob samjata par unn par uska koi asar n hota tha
Ladka jab badha ho gaya to dindayal ne socha chalo ab badha ho gaya to iski shadi kar di jaye. Shayad shadi ke baad iski aadat mein sudhar aa jaye aur ek din dindayal ne unka vivah kar diya. Patni ghar aa gayi. Phir bhi lakhan ki aadat mein sudhar nahi hua. Apne iklaute putar ko samjhate-samjhate aakhir dindayal hi duniya se chal basa. Tab bhi lakhan ki jindagi mein koi sudhar nahi aaya.
Uski patni bhi use khoob samjhati par weh apni aadat se baaj nahi aata. Kyunki use mufat ki roti khane ki jo aadat use lag gayi thi. Ulta weh apni patni se jagda kar baitha. Aakhir ek din uski patni bhi use ghar chod mayke chali gayi. Patni ke jane ke baad to lakhan kheto ko baichkar kuch din maje se raha. Ab kuch khet hi bach gaye jo sahukar ke pass girvi rakhe the. Chudane ke liye uske pass paise bhi n the. Uski stithi ekdum dehniye ho gayi. Tab usne socha-chalo kahi dusri jagah jaya jaye, shayad waha kuch khane ka mil jaye. Isi bahane usne gaon chodne ka irada kar liya. Garmi ka din tha. Chalte-chalte dopahar ho gayi. Bhook ke maare uska bura haal tha. Kuch door jane ke paschat ek gaon ke pass ek kutiya bani hui thi, waha ek sadhu aasan lagaye baitha tha.
Children’s Short Stories with Good Moral
Lakhan ne socha-chalo sadhu ki kutiya mein hi kuch vishram kiya jaye. Shayad pine ke liye pani hi mil jaye . Aisa sochkar lakhan sadhu ki kutiya mein pahuch gaya. Sadhu ne ek ajnabi aadmi ko apni kutiya mein aate dekha to badhe aadar se bithaya. Kuch phal khane ko diya aur pucha, bhai itni dophari mein kaha ja rahe ho? Badhe thake malum padte ho? Tab lakhan ne apni sari dastan sadhu se keh sunayi. Sadhu samjh gaya ki yeh aalsi h aur kaam se jee churata h, tabhi to jameen jaydad ko chodkar ja raha h.
Sadhu ne socha, ise kaise samjhaya jaye, tabhi unki najar kuch chitiyo par padhi jo fal ke chote se tukde ko le ja rahi thi. Achanak sadhu ke mann mein vichar aaya. Kyu n isi se iski samseha ka hal kiya jaye, aisa sochkar sadhu ne lakhan se chitiyo ki aur ingit karte hue kaha- inhe dekh rahe ho? Ye kya kar rahi h? Lakhan ne kaha- chitiya kuch chijo ko le jaa rahi thi. Sadhu ne kaha- jab itni choti-choti chitiya bhi bina mehnat ke nahi khate, phir tumhare pass to itna badha sharir h, jamin h, yadi tum mehnat karoge to tumhara jeevan aanad se beet sakta h.
Sadhu ke wachan ka uss par gehra parbhaw padha aur lakhan laut chala apne bahwishe ko sawarne ko. Phir to lakhan gaon mein mehnat majduri karke kuch paise bachat kar apne rehan mein rakhe khet ko chudakar sukhmeh jeevan bitane laga. Tab iske iss badlaw ko dekhkar uski patni bhi wapas aa gayi.
Kaha bhi gaya h- “mehnat ka phal humesha meetha hota h”
Ganga Gai (Cow) (Children’s Short Stories)
Purane jmane ki baat h hare bhare, sundar pedhpodho wale ek wan mein pashu nidar hokar ghumte the. Sare pakshi apne bache ko anushashan weh imandari ki shiksha dete tatha dete bhi unn par amal karte.
Isi wan mein ganga gaye apne gore weh khubsurat bachade ke sath rehti thi. Ek din ganga ghas charte hue dhane jungal mein bahut door nikal gayi tabhi jhadiya mein chipa bhaynkar bagh garjata hua samne aa khada hua.
Samne maut khadi dekhkar ganga darr gayi. Use apne iklaute bete ki yaad aane lagi bagh dhire-dhire aage badta hua gai par jhaptane hi wala ki ganga ne use rokte hue kaha, “bagh bhaiya, aaj tum mujhe mat maro. Mera beta abhi bahut chota h, weh mera dudh pita h mere bina weh jinda reh rahega”
par bagh ne uski baat ansuni karte hue kaha,”mein kahi dino se bhuka hu. Hath aaye shikar ko mein chod du to mera pet kaise bharega? Mein bhi to bukh se mar jaunga”
kuch dair ganga socthi rehti, bachade ki yaad ne uski aankho mein aansu laa diye. Phir boli,”bagh bhaiya, agar meri ek baat tum manoge to kahu?”
“ha, ha, jarur kaho,” bagh ne kaha.
9+ Short Stories with Moral Values
“kya tum mujhe iss baat ki ijajat doge ki mein jakar antim bar apne bchade ko bhar pet dudh pila lu aur jee bhar kar pyar kar lu? Mein use samjha bhi dungi ki we mere baad meri sahelia aur apne dosto ke sath khusi-khusi rahe. Phir tumhare pass aa jaungi tum mujhe khakar apni bhool mita lena.”
Bagh haste hue bole,”mein hi mila hu, tumhe bewkoof bnane ke liye? Mein kaise maan lu ki tum ek baar jakar mere mooh ka niwala banne ke liye wapas aa jayeghi? Mein tumhe abhi khaunga”
ganga ne ek baar phir bagh ko samjhate hue kaha, “yeh vishwas karna musqil to jarur h, par namumkin nahi h, par ek baat to tumhe manani padeghi ki yeh duniya vishwas weh iandari par hi kayam h”
anat mein bagh ne ganga ki baat maan li ganga dodte hui apne bichade ke pass pahuchi.
Bachade ko puchkarte weh sehlate hue ganga ne sari baate bachde ko bata di. Phir use samjhate hue boli, “beta, antim baar mera dudh pee le. Mere bina tum dukhi mat hona, meri sahelia ko apni maa samjhana tatha dosto ke sath khusi khusi rehna”
itna kehkar ganga teji se piche mudi aur chal padhi bagh ke pass.
Bagh besabri se uska intjaar kar raha tha. Ganga ne shant bhaw se kaha,”lo, mein aa gayi apni bhuk mita le”
bagh gai ki imandari weh sachai se bahut khus aur hairan hua. Usne socha,”ganga chahti to laut kar n aati mein itne badhe wan mein ise kaha-kaha dhundta phirta”
phir bagh bola,”mein tumhari sachai aur imandari se bahut khus hu, mein tumhe abhay daan deta hu mein tumhe nahi khaunga. Jao, tumhare beta tumhara intjaar ka raha hoga”
ganga turant apne bete ke pass gayi. Maa ko surakshit aaya dekhkar weh khusi se bhar utha.
Ganga gai apne bete ko pyar se chatne lagi.
Jaisi Karni Waisi Bharni ( Story For Kids in Hindi )
Ek gaon mein ek doctor rehta tha. Weh chikitsa ki vidha mein daksh to tha, kitntu uska bhagya accha nahi tha. Parmatma ne use cidha to di thi, par bhagya ulta diya tha. Weh jis kisi ki nadi par hath rakhta tha. Use yamraj ke ghar aweshe jana padta tha. Vaid apni manusiyar ke liye charo aur parsidh ho gaya tha. Amir-garib, chote-badhe, sabhi ke kano mein yeh baat padh chuki thi. Ki job hi manusheh vaid ke pass chikitsa karane jata h, uski martu ho jati h.
Ath: koi bimar aadmi dawa ke liye vaid ke pass nahi jata tha.
Bechara vaid pure din rogiyo ki raah dekta rehta tha. Par aane ki akun kahe, koi rogi uske daur ki aur jhakta tak nahi tha. Aakhir weh sawah rogiyo ki khoj mein idhar udhar chakar lagane laga. Kabhi koi rogi mil jata to aaye ho jati thi. Nahi to khali hath lautna padta tha. Jab kaamkaj hi nahi chalta tha, to phir roti kaise chalti? Kabhi-kabhi vaid ko bhuka hi so jana padta tha. Sham ka samay tha. Din bhar chakkar lagan eke paschat weh apne ghar ki aur laut raha tha. Use kahi bhi koi rogi nahi mila tha. Weh mann hi mann badha dukhi rehta tha. Aur ek purane pedh ke niche aakar baith gaya. Tatha sustane laga. Sehsa uski drishti pedh ke tan eke kothar par gayi. Usne dekha ki kothar mein ek vishela sarp badhi nichithata ke sath soo raha tha.
Moral Stories in Hindi for Students
Viad sarp ko dekhkar mann hi mann sochne laga ki yadi yeh sarp kisi ko das leta, to weh aweshe mujhse apna ilaaj karata aur mujhe acchi aay ho sakti h. Par yeh sarp dase to use kise aur kaise dase. Vaid mann hi mann sochne laga.
Kuch duri par kuch ladke khel rahe the. Ladke ko dekhkar vaid ko ek upaye suja. Jab upaye sujha to weh badha parsan bhi hua. Weh kuch shano tak vichar karta raha. Phir ladko ke pass jakar bola- use purane pedh ke kotar mein ek maina soo rahi h. Badhi sunder maina h. Agar tum mein se koi pakadna chahta h to mere sath chalkar use pakad sakta h.
Ek chatur balak bol utha-“kakaji” mein uss maina ko pakadkar palunga, chaliye mujhe dikha dijiye.
Vaid yahi to chahta tha. Weh ladke ko apne sath lekar pedh ke niche gaya aur ungli se kothar ki aur sanket karta hua. bola- maina isi ke bhitar soo rahi h.
Ladke ne bina kothar ki aur deke hue uske bhitar hath daal diya. Aur jo kuch hath mein aaya use bahar nikal laya.hath nikalne par ladke ne dekha hath mein maina nahi kale saanp ki garden h. Ladka darr gaya aur jhat saanp ko phenk diya. Sanyog se weh saanp vaid ke sir par gir gaya aur gale mein lipat gaya.
Ab ghabrane ki bari vadi kit hi. Usne saanp ko gale se nikal phekne ka parytan kiya par sarp ne use dass liya. Saanp badha jehrila tha. Uske katne se jaldi hi vaid ki maut ho gayi. Vaid ne apne swarth ke liye ladke ke sath sath buryai karne ki baat sochi thi, par ladke ki burayi to nahi hui, balki vaid ko uske bure karm ka fal aweshe hi mil gaya. Kisi ne thik hi kaha h, jaisi karni waisi bharni.
Rajmehal ki Malkin (Short Stories Online)
Chandangadh par surajsingh raj karta tha uske char putar the. Raja ki dharmpatni ka naam virmati the. Virmati bahut guni, veer thata udhar thi. Ek baar veermati bimar padh gayi aur uska dehant ho gaya. Rajmehal ki sari jimmedari rani par thi. Rani ke dehant ke baad raja chinta mein padh gaya ki rajmehal ki jimmedari kise sopi jaye?
Raja ke charo putaro ka vivah ho chukka tha. We mehal ke alag alag bhagi mein apni patniyo ke sath rehte the. Raja ne apni chinta prdhanmantri chatursingh ke samne parkat ki.
Prdhanmantri ne kaha-“maharaj! Yeh kaam to bahut katin h aapki sabhi bahue to aapki putri ke saman h. Kisi ek ko rajmehal ki malkin bnane par dusro bahuo ko dekh hoga thata we rajmehal ki malkin se dvesh karne lagengi. Esliye mein ek sujhao dena chahta hu. Yadi aap aagya de to mein kahu?”
ha ha jarur kahie prdhanmantri ji. Aapke sujhao ka swagat. Raja ne prsan hokar kaha.
“maharaj ! Aap ek partiyogita ka aayojan kare. Partiyogita mein aap ek parsan puche. Aapki jo putarwadhu uss parsan ka thik thik utar de de, use aap rajmehal ki malkin ghosit kar de” prdhanmantri ne sujhao diya.
“aap thik kehte h prdhan mantra ji mein aisa hi karunga” kintu aap yeh btlaye ki mein kaunsa parsan puchu. Raja ne kaha.
Hindi Short Story About Friendship
“maharaj aap unse kahiye ki weh kaun sa kaam h jisse rajmehal ki partista bani rahe tatha raja ki bhi partista bani rahe.” “thik h, mein hi partiyogita ki vevwasta karta hu”
dusre din raja ne ghosna ki-“jo putarwadhu uske parsan ka thik thik utar degi, use rajmehal ki malkin ghosit kiya jayega. Uss par rajmehal ki sampurn jimmedari sopi jayeghi” rajmehal li chabiya rakhne ka adhikar keval usi ko hoga aneh kisi ko nahi.
Agle din prath maharaj ne sabhi bahuo se parsan kiya-“hum weh kaun sa kaam kare jisse raja tatha rajmehal ki partista bani rahe?”
badhi bahu ne kaha-“hum sadhu sanyasiyo ki dekh rekh kare aur unhe adik daan de.”
dusri ne kaha-“hum shardaluo ke liye dharmsala banwa de”
teesri bahu ne utar diya-“hume nadi ke kinaro par pakke ghar banwa dene chaiye”
choti bahu ne utar diya-“pitaji hum weh kaam kare, jisse rajmehal se wapas lautne wala partek aadmi santosh aur parsanta se laute. Uske mann mein koi dukh na ho”
sabse choti bahu ka utar sunkar raja bahut khus hua aur bola-“beti! Hum tumhare utar se bahut parsan hue, aaj se tum iss rajmehal ki malkin ho” mujhe vishwas h, tum apne kaam aur vishwas se sabka mann moh logi aur sabke aadar ka patar banegi” raja ki ghosna sun sabhi parsan hue.