Do Gadho ka Bhoj
Ek baar badshah akbar unka putar shahjada aur birbal sair kar rahe the, garmi kuch jyada thi esliye akbar ne apna coat utara aur birbal ke kandhe par rakh diya, yeh dekhkar sehjade se bhi n reh gaya, usne bhi apna coat utara aur birbal ke kandhe par rakh diya,
yeh dekhkar akbar ko majak suji aur bole –birbal tumhare kando par to pure ek gadhe ka bhoj ladha hua h
Birbal– jee nahi, aap galat bol rahe h ek nahi do gadho ka bhoj ladha hua h sehjada aur badshah dono muskura diye.
Sangati ka Asar
Badshah aur birbal ki aapas mein bate ho rahi thi ki achanak birbal ke mooh se koi apsabd nikal padha . Badshah ko bahut bura laga, we bole tumhe bolne ki tamij ab nahi rahi dino din hote ja rahe ho.
Birbal bole ha jahapanha? Pehle to aisa nahi tha lekin ab sangati se dosh aana sewbhawik hi h, badshah nirutar ho gaye.
Rakhpath Rakhapath
Ek roj badshah ke darbar mein yeh baat ho rahi thi ki pat paanch h, indarpat, sonipat, panipat, bagpat aur balpat.
Birbal ne kaha hujur do pat aur h ek rakhpat aur dusra rakhapat. Badshah ne dono ka matlab pucha. Unhone utar diya inhi pat se sharafat ki pehchan h, apni ijjat rakhna praye ki ijjat se ho sakta h. Badshah yeh matlab samjh kar khus hue.
Andhkar
Ek din badshah ke sath birbal yumna kinare hawa ke sewan karne nikle, raste mein inhe ek jaruri chij dhyan mein aayi tab bole–birbal sansar mein aisi kon si chij h jisse hum sab dekh sakte h, lekin chandrma kin ajar uss par nahi padti, tab birbal bola–yeh chij andhkar h.
Lauta n tha
Ek baar badshah ne birbal se pucha – barahman pyasa kyu aur gadha udas ku, birbal ne jaldi se utar diya lauta n tha, matlab barahman ke pass lauta n hone se pyasa raha aur gadha n lautne se udas raha.
Badshah do parshano ka ek hi jwab sunkar bahut khus hua.
Gadhe Tambaku Nahi Khate
Birbal tambaku khata tha. Lekin akbar n khate the, ek din akbar ne tambaku ke khet mein gadhe ko ghas khate dekhkar kaha birbal ye dekha tambaku kaisi buri chij h, gadha tak isko nahi khata,
birbal ne kaha – ha hujur sach h gadhe tambaku nahi khate. Badshah bahut sharminda hue.
Adhar Mehal (Hindi Story for Kids)
Ek din darbar ke kaam–kajo se nishcit ho badshah birbal ke sath gappe maar rahe he, isi darmiyan usko ek adhar mehal banwane ki iccha hui, iss abipray se parerit hokar bole- birbal! Kya tum mere liye ek adhar mehal banwa sakte ho?
Banwa dena tumhara kaam haur rupee karch karne mera. Birbal ne soch–vichar kar uttar diya–prathvinath, thoda tehar kar mehal banwane ka kaam chalu karunga, iss kaam ke liye kuch mukhe samano ka sangreh karna padega, badshah iss par raji ho gaya.
Tab birbal ne ek dusri baat chedkar badshah ka mann dusre kaamo mein uljhakar sayekal ka awkash pakar ghar laut gaya, dusre hi din baheliyo ko rupee dekar jangal se tote(parrot) ko pakad lane ke aagya dedi. Hokum ki der thi ki baheliya usi din sakedo tote(parrot) pakad laye, birbal ne chun kar toto(parrot) ko kharid liya aur unki padhai ka kaam apni budhimati ladki ko saup kar weh dardbar ka jaruri kaam karne laga ladki ne pita ke kaheanusar toto ko padhakar pakka kar diya,
jab birbal ne unki pariksha li to we uski marji ke maafik nikle phir kya tha, weh toto ko liye hue darbar mein haajir hua, toto ko dewanekhas mein band kar birbal baadshah ke pass gaya, tote pinjre se bahar nikal kar chod diye the, sab taraf se darwaje band the, jaise unko padahya gaya tha waise tote bhitar hi bhitar raag alpha rahe the. Badshah ko salam birbal bola– partvinath!
Aapki marji ke munasif adhar mehal mein kaam lagwa diya h, iss waqt usme bahut se peshraj aur mistri kaam kar rahe h, aap chalkar muhayana kar le. Badshah mehal dekhne ki iccha se birbal ke sath chala. Jab birbal dewane khan ke pass pahucha to uska darwaja khulwa diya, tote bahar aakash mein udte hue bolne lage–eth(bricks) lao, chuna lao, darwaja lao chakut tayar karo, deewar chuno. Iss tarah toto ne aakash mein khub shor machaya.
3 Ghost Stories in Hindi Language
Tab badshah ne birbal se pucha– kyu birbal ye tote kya kar rahe h? Birbal ne adab ke sath jawab diya–maharaj?
Aapka adhar mehal tayar ho raha h. Usme peshraj aur badhai log lage hue h, sab saman ekahte ho jane par mehal banna shuru ho jayega. Birbal ki budhi par badshah harshit hua aur usko bahut sa dhan dekar vida kiya.
Akal ki Daad
Ek din badshah akbar ne kagaz par pencil se ek lambi lakir khichi aur birbal ko bulkar kaha– birbal n to yeh lakir ghtayi jaye, aur n mitayi jaye lekin choti ho jaye? Birbal ne faruan uss lakir ke niche ek dusri lakir pencil se badhi khich di.
Yeh dekhiye jahapanha! Birbal bole– ab aapki lakir isse choti ho gayi,
badshah yeh dekhkar bahut khush hue aur mann hi mann mein uski akal ki daad dene lage.
Har waqt kaun chalta h
Ek din badshah ne darbariyo se pucha har waqt kaun chalta h. Jawab mein kisi darbari ne surya to ki ne parthvi thata isi tarah kisi ne chandrma aadi ko batlaya. Badshah ne tab yeh parshan birbal se kaha to unhone utar diya, ki aali jaha! Mahajan ka byaj(sud) har waqt chalta h isse kabhi takawat(thkan) malum nahi hoti. Din dogni raat chogni veg se chalta rehta h, badshah ko yeh utar pasand aaya.
Jo kaha so kaha (Good Moral Stories)
Aam(mango) ki fasal ke din the.
Ek din akbar badshah apni begam ke sath baithe aam kha rahe the, badshah kha-khakar unki gutliya aur chilke apni begam ke aage ikhate karte ja rahe the.
Achanak birbal bhi waha pahuch gaye.
Badshah unhe dekhkar muskuraye aur bole–dekho birbal yeh begam kitni petu h. Mein abhi ek aam nahi kha paya, aur inhone kitne aam kha liye.
Begam iss majak ka utar n de payi aur laja kar reh gayi.
Badhi sharam ke sath unhone birbal ki aur dekha.
Birbal bhi chup n rahe aur unhone fauran badshah ko utar de dala.
Jahapanah kasur maaf ho. Begam saahiba adhik aam kha chilke ya gutliya to chod deti h par hujur unhe bhi nahi chodte.
Yeh sunkar badshah ka mooh band ho gaya aue begam khus ho uthi.
Sehzada aur Saudagar Putar
Badshah sehzade aur ek saudagar ke putar mein badi mitarta thi yaha tak ki dono hi sath sath uthte-khate-pite, pehante, sote, the dono idhar udhar ki ghapshap mein apna waqt nikal dete the usse maa-baap badhe dukhi aur pareshan raha karte the.
Saudagar aur badshah ne uski mitarta kam karane athwa badshah se kaha ki nishchaye hi weh dono ki mitartha mein koi rukawat daal hi dega. Ek din jab ki dono sehzade aur saudagar ka putar bagh mein baithe hue the. Birbal apne rath mein pahuche aur sehzade ko ishara karke bulaya.
Pass aane par unhone uske kaan mein apna mooh rakha aur kaha jao yeh kehkar we chale aaye.
Udhar saudagar putar ne sehzade se pucha ki birbal ne tumse kya kaha tha.
Akbar Birbal Ke Kisse Aur Kahaniya
Sehzade ne utar diya usne to kuch nahi kaha aise hi bulaya tha.
Yeh sunkar saudagar putar ne socha jarur sehzada humse kuch chipa raha h. Warna birbal ne jo kuch bhi kaha h use bata deta.
Aise hi 2–3 din baad birbal ne phir sehzade ko bulaya aur usi tarah bina kuch kahe wapas bhej diya.
Saudagar putar ke puchne par sehzade ne jawab diya ki aaj bhi usne mujhe kuch nahi kaha. Ab to saudagar putar ke dil mein puri tarah se sandeh ho gaya aur we hiss sehzade se kafi khichaw rakhne laga. Sehzada bhi uske iss bartaw se aparshan hua.
Aakhir unn dono ki mitarta ekdum toot gayi aur apna kaam karne lage. Saudagar aur badshah ko bhi inse badi khusi hui aur birbal ki inaam mila.
Dene Waale ka Hath Neecha
Ek dafa raja akbar se bole dene wale ka hath hamesha uncha hi rehta hai. Aur lene wala ka hath sadev iske viparith yani niche hi rehta h, aisa dekha jata h.
Birbal bole kabhi iske viparith bhi hota h. Yaani dene wale ka hath neecha aur lene wale ka hath uncha hota h. Badshah yeh sunkar chakit hokar bole yeh kab hota h. Birbal ne turant jawab diya ki hulas lete waqt dene wale ka hath neecha aur lene wale ka hath uncha hota h.
Birbal yeh utar sunkar bahut parsan hue.
Very Short Stories with Moral Value
Hazar jute
Akbar badshah ko majak karne ka badha shok tha aur devyog se birbal bhi badha majakiya tha, ek baar badshah ne hasi hasi mein birbal ke jute chura liye.
Chalte waqt birbal juta dhundne laga, jab na mile to badshah ne kaha humari aur se inko juta de do, ye sun naukar ne juta pehna diya.
Birbal ne juta pehan kar aashirwaad dete hue kaha ki ishwar iss lok parlok mein hazaro jute de, sunte hi akbar khilkhila kar has pade.
Apsara aur Pisachani (Akbar Birbal Stories)
Ek din badshah ko apsara aur pisachani dekhne ki bahut jyada iccha hui, birbal sabha mein aaya to badshah ne unn dono ko dhiklane ke liye use badeh kiya. Birbal bahut accha, yeh kehkar tatshan apne ghar chala aaya aur raat ke waqt ek weshay ke ghar jakar use dusre din badshah ke pass chalne ke liye samjha bhujakar liya. Jab savera hua to apni satri aur veshaw ko liye hue badshah ke pass pahucha.
Badshah ko apni satri dhikakar bola–garib–parwar! Yeh swarg ki apsara hai. Kyunki iski sewaye se mujhe bada arram pahuctha hai.
Badshah ne pucha – yeh kaise? Apsaraye to param sundari hua karti h yeh to ekdum kali aur mahadurbal h. Sastro mein bhi apsarao ki sundarta aditiya batlayai gayi h.
Birbal bola– parthvinath! Sundarta to gun ki hoti h, chamde ki nahi, iss aurat se mujhe swarg ke saman sukh milta hai, birbal ne uss bajaru vesha ko lakar badshah ke samnehaazir kiya badshah ne kaha. Wah yeh to badhi sunder h iske aabhushan aur saaf kapde se iski sundarta aur bhi badh gayi hai birbal bola – parthvinath ! Yeh sab keval fasne ki kunji hai. Yeh pisachani jisko lag jati hai. Uska serseh apharan karke hi pind chodti h. Birbal ke aise utar se badshah bahut parshan hue.
Andheri Nagri Chopat Raja
Badshah akhbar ke darbar ke sabse praseedh ratan birbal ko kaun nahi janta. Jo unke 9 ratno mein se sabse alag the.
Jab kabhi akbar ko koi samasya suljhani hoti ya koi kisi bhi kisam ka sawal unke mann mein uthta, ve birbal ko bulate. Birbal ke paas jawab zarur hota,
kabhi ussmein koi gehri baat hoti to kabhi koi ajeebo garreb baat, jisse badshah ko apni pareshani ka hal mil jata tha.
Samasya chahe ye ho ki hatelliyon pe baal kyun nahin hote ya aam ka ped darbaar mein gawahi de sakta hai ya nahi, ya fir sabhi damadon ko faansi de deni chahiye, birbal ke paas hamesha boodhimaan poorn aur mazedaar zawab hote. Chahe koi ki bhi kisi bhi kisam ka sawal kyu na ho wo apni budhimani se use hal kar hi dete the.
Yahi kaaran tha birbal ko akbar bahut pasand karte the aur anya darbaariyon ko unse jalan hoti thi. Akbar aur birbal ke bahut saare kisse h jissmein chaturayi aur samajhdaari bhari hai. Yahi vajah hai ki birbal ke kisse aaj bhi pasand kiye aur padhe jaate hain.
Birbal ke jeevan se judi hui kuch baate. Or kuch sawal akbar ko birbal kaise mile. Kaha par mile. Birbal kaha ke rehne wale the.
Birbal jaisa rattan akbar ko andheri nagri se prapt hua tha. Andheri nagri jiska naam jusi h. Andheri nagri yaani ek chota sa gaon h jo allahabad se 5km ki duri par ganga nadi ke kinare par basa hua h. Aajkal allahabad mein jusi jane ke liye relmarg ki suvidha chalu kar di gayi h. Uske sath hi paidal jane ke liye ek extension pul h jo sarkar ne san 1968 mein tayar karaya tha. Ab ek aur bhi pul bana diya gaya h jo jusi tak jane ke liye thik h.
Funny Short Stories with Moral
Lekin, birbal ke waqt mein aisa koi sadhan nahi tha ki jo jusi ko ellahbad se jodta. Uss waqt keval kisthi hi ek matar sahara tha jisse birbal allahabad aa sakte the. Jusi aur allahabad (daraganj) ke bich karib 5 kilometer ki duri ka faisla h jisme barsaat mein ganga nadi apne ugar roop mein behti h. Uss waqt shayad yeh doori shayad aur bhi jyada hui hogi.
Birbal andheri nagri ka chopat raja ka mantri hua karta tha. Jusi ke ithihas ka naam andheri nagri likha hua h. Waha ke raja ko chopat raja ke naam se jana jata tha. Yeh shayad esliye the ki jusi mein har chij taka sher(kg se kam) milti thi.
Aapne ye mashur mishal to suni hi hogi
Andheri Nagri Chopat Raja.
Taka Sher Bhaji Taka Sher Khaja.
Yaani sabji se lekar ache se acha misthan tak ek taka sher milta tha. Yeh sab kaise hota hoga yeh sab to kehna katin h. Kaise we log apne saman ko adjust karte the yeh ek alag ki baat h. Lekin, itna aveshe h ki andheri nagri yani jusi ka raja apne vivek se rajye ka koi bhi kaam nahi karta tha. Suna h ki jusi ka raja apna sara kaam birbal ki rai le kar hi karta tha. Jab birbal rajya karta tha, kehne ka matlab yeh h ki jab birbal ki rai par sab kaam hota tha to usne taka sher wale mamle ko bhi bahut soch samjh kar kiya hoga kyunki birbal behad budhimaan, chatur we chalaak insaan tha. Use maat dena koi asaan kaam to nahi tha.
Aisa bhi btaya jata tha ki andheri nagri mein saman bechane walo ka jo saman sham ko bach jata tha use raja khud kharid leta tha.
Agar yeh kaha jaye ki birbal ke samay mein andheri nagri mein har insaan sukhi tha to koi atishokati nahi hogi. Birbal ke kisse or kahani bahut hi majedar aur bhdhumani bhari h jinhe padhne ka apna alag hi aanand h.