Akbar Birbal Funny Story in Hindi

Akbar Birbal Funny Story in Hindi

Akbar Birbal Funny Story

Jagar-Magar

Akbar ne bhari shaba mein ghosna ki iss baar muhrram par sabhi darbari apne mehalo ko acchi tarah sajaye. Jiske mehal mein sabse acchi roshni hogi, use purskar diya jayega. Muhrram ke din badshah ghode par sawar hokar birbal ke sath darbariyo ke mehalo ki roshni dekhne nikle, sabhi ke mehal jagar–magar kar rahe the, birbal ke mehal ka age raja rook gaye, bole–bas, do–char deepak, tumne humari aagya ka palan nahi kiya h.

Badshah ko lekar birbal nagar ke bahar garibo ki basti mein gaya, waha jhopdiya prkash se damdama rahi thi, birbal badshah akbar se bola, dekhiye aapki aagya ka maine hi sahi palan kiya h inhe hi roshni ki sabse jyada jarurat h badshah ne muskura kar purskar ki rashi garibo mein baat di.

Jute Chipaye Gaye

Raja darbar mein baithe the. Inhe birbal se hasi karne ki suji. Ath: ek naukar se kehkar birbal ka juta chipa diya aur birbal ko aisa kaam batlaya jiski wajah se unhe sabha bhawan ke bahar jana pada ab whe apna juta khojne lage. Lekin waha to pehle se hi karwahi ki ja chuki thi. Jab birbal hairan ho gaye,

To raja ne uski pareshani ka karan pucha to malum hua ki juta nahi mila raha h raja ne hokum diya ki humari taraf se inhe jute de diye jaye. Raja ka hukam pakar naukaro ne naya juta lakar birbal ko pehna diya. Jab juta pehan chuke to birbal bole ki iske badle mein bhagwan parlok mein hazaro jute de. Meri yeh mangal kamna h.

Birbal ki yeh baat sunkar akbar sharm se nat mastak ho gaye.

Birbal ki khichdi (Moral Stories)

Ek dafa badshah ne ek shart rakhi thi ki koi insaan raat bhar chati tak pani mein khada rahe to use 1000 rupee inaam diye jayenge.

Magh ke mahine ki kadhi sardi thi. Kaun apni jaan aafat mein dalta. Aakhir ek garib brahman jise apni ladki ki shadi karni thi tayar hua.

Raat bhar bechara pani mein khada raha, savere badshah ne use bulaya aur pucha ki tum kiske aasreh se pani mein khade ho. Sidhe brahman devta ne utar diya ki mein aapke kile ki kandil dekhta raha. Badshah ne kaha ki jarur hi tumhe uski garmi lagi hogi jao inaam nahi milega.

Akbar Birbal Ke Kisse Aur Kahaniya

Bechara bhrahman rota hua birbal ke pass gaya aur sara haal keh sunaya.

Birbal ne use dandas bandhaya aur uske ghar bhej diya. Kuch din baad badshah ko shikar karne ki suji. Phir kyat ha sari sena tayar ho gayi. Badshah ne birbal ko bulaya. Jo naukar use bhulane gaya tha usne lautkar utar diya ki birbal khichdi bana rahe h khakar aayenge.

Lekin ghante baad bhi birbal n aaye to dusra naukar bheja usne bhi yahi utar diya do ghante ho gaye par birbal nahi aaye. Teesra naukar bheja usne bhi yahi utar diya . Khichadi pak rahi h khakar aayenge.
Ab badshah ko badha krodh aaya. We aap hi birbal ke pass pahuche aur dekthe h ki panch gaj unchi balli par khichadi ki handi rakhi h aur jara si aag jal rahi h. Birbal aaram se baithe hue h.
Birbal ne aascharya se pucha birbal ye kya tamasha ho raha h birbal ne utar diya khichadi pak rahi h yeh kaisi khichadi ? Itni niche aag se khichdi ki handi ko kuch bhi garmi nahi lag sakti h yeh kaise ho sakta h? Badshah ne badhi hairat se pucha.

Usi tarah jaise ki budhe brahman ko kile ki kandil se garmi pahuchi, birbal ne utar diya.
Yeh sunte hi brahman ko bulakar 1 hazar ruppe de diye, bechara brahman birbal ko hazaro aashirwad deta hua ghar gaya.

Char Murkh (Akbar Birbal Stories)

Ek din manoranjan ke waqt badshah ke mann mein ek baat aayi sansar mein murko ki ginti soo se adhik h parntu mein char murkh dekhna chahta hu jinki jod ke dusre murkh n ho, badshah ne birbal se kaha iss dang ke char murkh talash karo ki jinki jod ke dusre n mile birbal ne kaha jo aagya hujur.

Dundne walo ko kya nahi mil sakta kewal sachi lagan honi chayie kuch door jane ke baad birbal ko ek aadmi dhikayi pada jot halo mein paan ka ek joda bida aur mithayi liye badhe uthshah se nagar ki taraf jaldi bhaga jar aha tha.
Birbal ne uss aadmi se pucha kyu sahib yeh saman kaha liye ja rahe ho jo aapke pair khusi ke maare zamin par nahi pad rahe h.

Aapke mann ko janne ki mujhe badhi iccha h, ataveh thoda kasht kar batlate jaye. Uss aadmi ne birbal ko talne ki kosish ki kyunki weh apni niyat jagah par jaldi pahuchna chahta tha. Parantu birbal ne bar-bar use btane ka agreh kiya tab weh insaan bola mein late ho raha hu, parntu aapke itni baar puch lene par bata dena bhi jaruri h.

Meri aurat ne dusra khsam kar liya h uske bhulae par uske naute mein ja raha hu.
Birbal ne uss aadmi ko apna parichay dekar rok liya aur kaha tumhe badshah ke pass chalne hoga tab hi tum aage ja sakoge weh badshah ka naam sunkar darr gaya aur lachar hokar birbal ke sath ho liya.
Weh isko lekar aage badha devyog se raste mein ek godhi sawar mila weh aap to godhi sawar tha par apne sir par ek badha gatthar rakha hua tha.

Birbal ne uss aadmi ne pucha kyu bhai ye kya mamla h.aap apne sir ka bhoj godhi par ladhkar kyu nahi le jate. Uss aadmi ne utar diya garib parwar meri yeh ghodi garbhini h aisi dashamein uss par itna bojh nahi lada ja sakta.
Yeh mujhe le ja rahi h ye kya kam ganimat h, birbal ne dara dhamka kar uss ghodi swar ko bhi apne sath le liya,
ab birbal dono ke sath badshah ke pass pahucha birbal ne kaha ye charo murkh aapke samne h.
Badshah to do ko ho dekh raha tha atah: bola teesra tatha chauta murkh kaha h?

Birbal ne kaha teesra number hujur ka h jo aapko aise murkh dekhne ki iccha hoti h chota murkh mein hu, jo inhe dhundh kar laya hu.
Badshah ko birbal ke aise sahi utar se badhi khusi hui jab unhe dono ki murkhta ka parichay mila to khil–khila uthe.

Bula Kar La (Akbar Birbal Kahani)

Ek din badshah ne sote se uthkar hath mooh dhone ke baad naukar se kaha bula kar la magar yeh nahi kaha amuk aadmi ko bulakar la. Naukaro ko badshah se puchne sahas na hua aur wo idhar udhar dodne lage. Magar bulakar lawe kise aakhir weh aadmi dodta hua birbal ke pass gaya aur sara haal keh sunaya.

Birbal ne kaha badshah hajamat banwane chahte h weh hajam ko lekar badshah ke pass gaya. Badshah ne khus hokar pucha ki kiske kehne se laye? Naukar bola sarkar birbal ke kehne se laye. Badshah ne khus hokar birbal ki taarif ki.

Ched–Chad

Akbar badshah aur birbal mein aksar majak hota rehta tha ek din we dono ek-dusre se ched-chad kar rahe the. Badshah ne kaha birbal tumhari aaurat bahut sunder h
birbal ne kaha ‘hu sarkar! Pehle to mein bhi aisa hi samjha karta tha. Par jab se begam saahiba ko dekha hai, mein apni aaurat ko hi bhul baitha hu, badshah ekaek jhep gaye aur uss din se phir unhone aisa majak nahi kiya.

Ishwar jo Karta h Acchayi ke Liye

Badshah aur birbal ek dafa jangal mein shikar khelne gaye the. Raste mein badshah ko asawdhani se koi paina hathiyar unhi ki ungli mein lag gaya jisse badshah ki ungli jati rahi. Jab badshah ne birbal ko ye samachar sunaya to we afsos parkat karne ki bjaye bole, ishwar jo karta h acchayi ke liye hi.

Badshah niras baat sunkar bahut aprasan hue. Jab mehal mein wapas aaye aur dusre din darbar mein upastit hue to aneh samjhdaro se bhi iss baat ka jikar kiya aur jo birbal se bitri dosh rakhte the, unhe unki neenda ka awsar mila aur jo unse ban padha namak mirch hilate hue birbal ki shikayat karne lage.

Badshah ko unn par krodh pehle se hi tha, inn bhadawe ki baato ne uss agni mein ghee ka kaam kiya. Birbal uss samay sabha mein upastit n the badshah ne unhe patar suchna de di ki ab pun: darbar mein hazir n ho aur n humare sammukh hi kabhi ho.

Birbal aatmabhimani purush the. Parmatma ne unhe budhi di thi, usi ke bal par weh kisi ki parwah n karte the, badshah ke iss hokum ko padhkar we jara bhi vichlit n hue, jo patarwahak badshah ka patar laya tha. Usi ke hath mein ek line likhkar badshah ke pass bhijwa diya. Patar mein birbal ne likha tha ki yeh hokum sambhawat: acchayi ke liye hi hua h. Iss parkar mahino gujar gaye. Idhar birbal ke n rehne se badshah ke kuch kaamo mein harja bhi hone laga. Kintu unhe bulane ka hokum nahi diya, badshah ka khayal tha ki birbal sawah aayenge, hum kyu apni baat kharab kare? Lekin jab badshah ko birbal ke aane ki koi aasha n rahi aur samay din din karke bitane laga to unhone birbal ko bulane ke liye upaye sochna shuru kiya.

Sanyogwash badshah ek din kuch aneh darbariyo ko sath lekar shikar khelne jangal mein gaye. Kisi shikar ke piche badshah dhode. Shikar kabhi pass kabhi door ho jata isse badshah ashash uske piche dodte hi gaye, jisse unke aneh sathi bhi titat–bitar ho gaye. Pahadi rasta unhe malum n tha, shikar ke piche chalte suryaasat ho gaya, tab badshah nirash ho laute to vikral murti dhikayi padhi, jinhe dekh badshah ko darr lagne laga, dhire dhire we murti pass aa gayi aur badshah ko apne sath lekar ek makan mein pahuchi jo kisi devta ka mandir tha, akbar ki samjh mein unn dono vikral murtiyo k aka bhawarth nahi aaya.

ज्ञानवर्धक और मजेदार Moral Stories In Hindi

Jab badshah waha pahuche to unhe sanan karne ko kaha gaya. Kintu unhone aanakani ki to unko hatya karne ki dhamki unn dono murtiyo ne di. Marta kya nahi karta? Badshah ne snaan swikar kiya. Unhe bhojan karaya gaya, yadhapi mare darr ke badshah se khana nahi khaya gaya. Jab snaan bhojan se nischinat ho gaya to unn dono vikral murtiyo ne unhe nanga karke devi ki murti ke samne khada kiya aur ek tej chura chamkate hue akbar se bole hum partidin ek manusheh ke bali devi ko chadate h, aaj koi n mil saka tha, sanyogwash tum mil gaye, atehev aaj tumhi ko balidan karenge. Badshah yeh sunte hi awak se reh gaye.

Unke sharir ka raha–saha khoon bhi shook gaya. We ki kartweh vimudh se reh gaye der tak we chetnashune ho zamin par gir pade. Jab chetna ka kuch sanchar hua to rone vilapane lage. Lekin waha kon sunta tha.

Aant mein kalpane ke baad badshah bole ki ishwar ke liye mujhko chod do aisa anarth mat karo. Mein tum logo ka badshah hu parantu inn sab bato ka kuch bhi asar unn rakhshsh murtiyo par n pada. Bali dene ki sari tayari ho chuki thi. Kewal chura chalane ki der thi. Sanyogwash unn rakshsh murtiyo mein se ek ne badshah ke aang parteko par dhyan diya to use ek ungli kati dhikayi di.

Nirash ho usne apne dusre sathi se kaha ye to khandit h. Iski ungli kati h devi, aparshan hogi. Yeh kehkar usne badshah ka wadh nahi kiya. Kapde–laye pehnakar unn dono ne badshah ko unki maange batla diya. Kisi tarah waha se chutkara pakar we behtasa bhage. Jaan bachi lakho paye. Badshah ardhratri ke karib mehal mein pahuche. Bistar par gaye kintu raat bhar neend n aayi devi ke mandir ki ghatna unki aankho ke samne jhulti rahi. Yahi sab dekhte dekhte sawera ho gaya. Bistar chodkar nityakaram se faarig hone ke liye we dusri jagah chale gaye, hath mooh dho snaan kiya. Ishwar chintan mein lage the. Thik usi waqt unko birbal ki baat ka samran ho aaya. Uski samast romawaliya khadi ho gayi.

Unki jee mein vichara ki birbal ne sach hi kaha tha ki ishwar jo karta h acchayi ke liye hi yadi ungli uss din shikar karte waqt nasht n hui hoti to ni–sandeh meri jaan aaj raat mein chali gayi hoti. Maine uss brahman ki baat ki havelna ki, jiska yeh natiza hua. Ki kal pareshani uthani padi. Apni dubudhi par badshah ko badha paschtap hua unhone sawah birbal ke ghar jane ki thani unhone partham ek guptchar ko bheja jisne yeh pata lagaya aur aakar badshah se bole ki birbal ghar par hi h.

Badshah birbal ke yaha pahuche badshah ne unhe dekh ucchasan par baithaya. Tadanntar kushal parsan puch badshah ne gadgad kant se birbal ko gale se laga liya aur bole mere apradh kovbhul jao. Maine tum par badha hatyachar kiya h, jab tak tum mujhe dil se shama pardan n karogee mujhe santosh n hoga.

Birbal namartpurwak bole beichani ka kya karan h. Mein to sadaaapka hi tabedar hu. Jo aagya ho karne ko har waqt parstut hu. Aapki unn bato ka mujhe tanik bhi malal nahi. Maine apna namak khaya h aur khata hu, uska mein iss buri tarah badla nachukaunga. Jab tak dam rahega tann mann se aapki hi bhalayi ka parytan karunga. Badshah yeh sun aur bhi dayadar ho gaye pichli raat ka sara haal unhone birbal ko keh sunaya aur kahaki jo baat tumne kahi thi wo aaj satya parmanit hui.

Birbal Stories with Moral for Kids

Tatpaschat birbal se unhone pucha ki jab maine tumko sabha mein n upastit hone ka aadesh diya tha to tumne pun: wahi baat dohrayi thi. Ishwar jo karta h acchayi ke liye hi, to mere liye to yeh baat bilkul ghat gayi. Kintu tumne jo apne liye kaha tha. Weh bhi samjhao ki tumhare liye accha hua.

Birbal bole ki jab aap aakhet ko gaye the, yadi mein sath hota to avesheh hi jata aur wahi nahi aapke piche jaha jate waha tak jata aur yadi kal ka sanyog utpann hua hota to aap esliye bach jate, kyunki aap khandit the, kintu mein purn ki wajah se bemaut mara jata.iss tarah meri to jaan bach gayi.

Badshah birbal ki hoshiyari ki baat sun kar bahut hi parshan hue, aur unko apne sath hi darbar mein laye yeh samman dekh tab unse dwesh rakhne wale aneh darbari aur bhi jal gaye, kintu kar hi kya sakte the, iss parkar badshah aur birbal ka parspar phir hasheh vinod hone laga aur dono ka hardeh phir usi parkar jhud gaya, dekhne se malum hota tha jaise kabhi yeh alag hue bhi n ho, badshah ne yeh swikar kiya ishwar jo kuch karta h acchai ke liye hi.